ᑲᑎᒪᔨᕋᓛᑦ ᐅᕝᕙᓘᓐᓃᑦ ᑐᓂᖅ ᑕᐃᒻ ᑲᑎᒪᔨᕋᓛᖏᑦ
ᐋᖅᑭᒃᓱᐃᔨᐅᑎᓪᓗᑕ ᑕᒪᑐᒪᓂ ᐊᕐᕌᒍᒥ ᑐᓂᖅ ᑕᐄᒻᒥᒃ, ᑐᓐᖓᓱᒃᑎᑦᓯᔪᒪᑦᓯᐊᖅᑯᒍᑦ ᐳᓛᕆᐊᖅᓯᒪᓂᐊᖅᑐᓄᑦ ᑕᒪᐅᓐᖓᖅᑐᓂᒃ ᐃᓚᐅᖃᑕᐅᔪᒪᓂᕐᒥᒃ ᑐᓂᖅ ᑕᐄᒻᒥ. ᑕᐃᒪᑐᖅ ᑐᓐᖓᓱᑦᓯᐊᕐᓂᐊᖅᑯᑎᑦ ᐊᒻᒪᓗ ᑕᑯᔪᓐᓇᖅᑕᓕᒫᑎᑦ ᑕᑯᔪᓐᓇᖅᓯᑦᑎᐊᖁᓪᓗᒋᑦ ᐃᖃᓗᓐᓂ ᐊᒻᒪᓗ ᖁᕕᐊᓱᖃᑕᐅᑦᓯᐊᖁᓪᓗᑎ ᑕᕝᕙᓃᑎᓪᓗᑎ.
ᑖᓐᓇ ᐊᕐᕌᒍᒋᔭᕗᑦ ᖁᕕᐊᓇᖅᑐᒻᒪᕆᐅᓂᐊᖅᑐᖅ ᐅᕙᑦᑎᓐᓄᑦ ᐱᔾᔪᑎᒋᓪᓗᒍ ᑖᓐᓇ ᑐᓂᖅ ᑕᐄᒻ ᐊᑎᓕᐅᖅᑕᐅᒃᑲᓐᓂᕐᓯᒪᓕᕐᒪᑦ ᑮᓇᐅᔾᔭᒃᓴᕋᑎᒃ ᑎᒥᐅᓂᕐᒥᒃ. ᑕᒪᓐᓇ ᑲᔪᓯᑎᓪᓗᒍ, ᐊᒃᓱᕈᖅᓯᒪᔪᑦ ᐅᑎᖅᑎᑦᓯᒐᓱᐊᕐᓂᖓ ᑐᓂᖅ ᑕᐄᒻ ᓄᓇᓕᒻᒥᐅᓄᑦ ᐱᒋᐊᖅᑕᐅᓯᒪᓂᖓᓄᑦ. ᑐᕌᒐᕆᔭᕗᑦ ᑖᓐᓇ ᑐᓂᖅ ᑕᐄᒻ ᖁᕝᕙᖅᑎᒋᐊᒃᑲᓐᓂᕐᓗᒍ ᐊᒻᒪᓗ ᐱᐅᓯᒋᐊᕐᓗᒍ ᐋᖅᑭᒋᐊᖅᓯᒪᓗᓂ ᓄᓇᓕᐸᐅᔭᖅ ᖃᐅᔨᒪᔭᐅᓕᒃᑲᓐᓂᕈᓐᓇᖁᓪᓗᒍ; ᑕᒪᓐᓇ ᑲᔪᓯᑦᑎᐊᕈᓐᓇᖅᓱᓂ ᑭᓯᐊᓂ ᑲᑐᔾᔨᖃᑎᒌᓐᓂᒃᑯᑦ ᐃᖅᑲᓇᐃᔭᖃᑎᒌᓐᓂᒃᑯᓪᓗ ᓄᓇᓕᐅᓗᑕ ᐃᑲᔪᖅᑎᒋᓗᒋᑦ ᓄᓇᓕᒻᒥ ᓇᒻᒥᓂᓖᑦ ᑎᒥᐅᔪᐃᓪᓗ.
ᐱᕕᖃᓐᓂᑦᑎᓐᓄᑦ ᓇᑯᕐᒦᕈᒪᔪᒍᑦ ᑕᐃᒃᑯᓄᖓ ᑎᒥᐅᔪᓕᒫᓄᑦ ᐃᑲᔪᓚᐅᖅᑐᓕᒫᑦ ᑕᒪᑐᒪᓂ ᑐᓂᖅ ᑕᐄᒻᒥ. ᐊᔾᔨᐅᓐᖏᑦᑐᒃᑯᓪᓗ ᓇᑯᕐᒦᓚᕆᒍᒪᔭᕗᑦ ᑲᓃᑎᐊᓐ ᓄᐊᑦᑯᑦ ᐊᒻᒪᓗ ᓄᓇᓕᐸᐅᔭᒃᑯᑦ ᐃᖃᓗᓐᓂ, ᐊᖏᓂᖅᐹᒃᑯᑦ ᐃᑲᔪᖅᑎᒋᔭᕗᑦ. ᓱᓕ ᓇᑯᕐᒦᕈᒪᒻᒥᔪᒍᑦ ᑕᐃᒃᑯᓄᖓ ᐊᒃᓱᕈᒃᓱᑎᒃ ᐃᑲᔪᖃᑕᐅᓚᐅᖅᑐᓕᒫᓂ. ᓄᓇᓕᒻᒥᒃ ᐃᓚᐅᖃᑕᐅᖃᑦᑕᕐᓂᖅ ᐊᒻᒪᓗ ᐃᑲᔪᖃᑕᐅᖃᑦᑕᕐᓂᖅ ᐱᒻᒪᕆᐅᓂᖅᐹᖑᕗᖅ ᐋᖅᑭᒃᓱᐃᓂᕐᒥᒃ ᑕᐃᒪᓐᓇᐃᑦᑐᒥᒃ ᖃᓄᐃᓕᐅᕈᑎᐅᔪᒃᓴᒥᒃ ᑕᒪᒃᑯᐊᖑᓚᐅᓐᖏᑉᐸᑕ ᑲᔪᓯᒍᓐᓇᕋᔭᓐᖏᑦᑐᖅ.
ᑕᐃᒪ ᖁᕕᐊᓱᖁᔨᑦᓯᐊᖅᑯᒍᑦ ᐃᓄᓕᒫᓂᒃ ᑕᒪᑐᒪᓂ ᑐᓂᖅ ᑕᐄᒻᖑᓂᐊᖅᑐᒥᒃ ᐊᒻᒪᓗ ᑭᓇᓕᒫᖅ ᖁᕕᐊᓱᖃᑕᐅᖁᓇᖅᑯᑦ ᖁᕕᐊᓇᕈᓘᔭᕐᓂᐊᖅᑎᓪᓗᒍ ᐱᓇᓱᐊᕈᓯᐅᔪᒥᒃ!
2007-ᒥ ᑐᓂᖅ ᑕᐃᒻ ᑲᑎᒪᔨᕋᓛᖏᑦ
ᐋᑦᑎ ᐊᕐᓇᒃᑲᖅ, ᐊᓖᓴ ᓛᑉ, ᒪᐃᒃ ᒥᕝᓕᓐ, ᑲᓛᔾᔭ ᐴᓐᔅ, ᕕᒃᑐᐊᕆᐊ ᕼᐋᓐ, ᔨᓕᐊᓐ ᑎᑭᓐᔅ, ᔭᐃᓴᓐ ᑎᐅᕋᓐ, ᓯᐅᕋ ᑕᓐᕗᑦ
| 
