ᑐᓐᖓᓱᒋᑦ ᑐᓂᖅᑕᐄᒻᒥ
ᖁᕕᐊᓲᑎᒋᓗᒍ ᑐᓴᕋᓐᓈᕈᑎᐅᔪᒥᒃ ᐅᐱᕐᖔᖑᓕᕐᓂᖓᓂᒃ
ᐅᐱᕐᖓᔅᓵᖅ - ᑕᒪᑐᒪᓂ ᓯᕿᓐᓂᖃᑦᑕᐸᓪᓕᐊᓕᕐᒥᑎᓪᓗᒍ ᐅᑭᐅᖅᑕᖅᑐᒥ ᓂᓪᓚᓱᓗᐊᖃᑦᑕᕈᓐᓃᖅᑎᓪᓗᒍ ᐊᒻᒪᓗ ᐅᓪᓗᑯᑖᖑᓂᖅᓴᐅᖃᑦᑕᓕᖅᑎᓪᓗᒍ. 1965-ᒥᓂᑦ ᐃᖃᓗᒻᒥᐅᑦ ᓇᓪᓕᐅᓂᖅᓯᐅᖃᑦᑕᖅᓯᒪᕗᑦ ᑐᓂᖅ ᑕᐃᒻᒥ - ᑕᓪᓕᒪᓂᑦ ᐅᓪᓗᓂᑦ ᐱᓐᖑᐊᖃᑦᑕᖅᑐᑎᒃ, ᓂᔾᔭᐅᓯᔭᖃᑦᑕᖅᑐᑎᒃ, ᓵᓚᔅᓴᕐᓂᑭᓴᐅᑎᖃᑦᑕᖅᑐᑎᒃ ᐊᒻᒪᓗ ᓂᕆᕕᔾᔪᐊᖃᑦᑕᖅᑐᑎᒃ. ᑭᓇᑐᐃᓐᓇᐅᒐᓗᐊᕈᕕᑦ ᐊᒥᓱᓂᑦ ᑕᑯᔭᔅᓴᖃᕐᓂᐊᖅᐳᑎᑦ ᓱᔭᔅᓴᖃᕐᓗᑎᓪᓗ ᑐᓂᖅ ᑕᐃᒻᒥ.
ᑐᓂᖅ ᑕᐄᒻ ᐱᒋᐊᖅᑎᑕᐅᓚᐅᖅᓯᒪᔪᖅ ᓄᓇᓕᒻᒥ ᓯᕗᓕᖅᑎᒋᔭᐅᔪᓄᑦ 1964-ᒥ ᖃᓄᖅᑑᕈᑎᒋᔭᐅᓪᓗᓂ ᑲᔪᖏᖅᓴᕈᑎᒋᔭᐅᔪᒪᓪᓗᓂ ᐳᓛᕆᐊᖅᑕᖁᓪᓗᒋᑦ ᐅᑭᐅᖅᑕᖅᑐᒧᑦ ᐊᒻᒪᓗ ᐃᖃᓗᐃᑦ ᖃᐅᔨᒪᔭᐅᓕᒃᑲᓐᓂᖁᓪᓗᒍ ᓄᓇᓂᒃ ᐊᔾᔨᒌᓐᖏᑦᑐᓄᑦ ᑕᐃᔅᓱᒪᓂ ᑕᐃᔭᐅᓚᐅᖅᑐᖅ ᕗᕉᐱᓱ ᐸᐃᒥ. ᑕᐃᑲᓐᖓᓂᑦ, ᑐᓂᖅ ᑕᐄᒻ ᐊᕐᕌᒍᑕᒫᖅᓯᐅᑎᒋᔭᐅᖃᑦᑕᓕᖅᑐᖅ ᓄᓇᓕᒻᒥ ᐊᒻᒪᓗ ᓄᓇᓕᒻᒥᐅᑕᐃᑦ ᐃᖃᓗᓐᓂ ᑕᒪᑐᒥᖓ ᓂᕆᐅᒋᔭᖃᓲᖑᓪᓗᑎᒃ ᐊᕐᕌᒍᑕᒫᑦ. ᐊᓯᔾᔨᖅᓯᒪᓕᕋᓗᐊᖅᑎᓪᓗᒍ ᐃᓚᖓᒍᑦ ᖃᓄᐃᓕᐅᕐᓂᐅᔪᓂᒃ, ᑐᓂᖅ ᑕᐄᒻ ᓱᓕ ᒪᑭᒪᑎᑕᐅᖏᓐᓇᖅᑐᖅ 40-ᓄᑦ ᐊᕐᕌᒍᒥᓂᑦ!
ᓇᑯᕐᒦᖅ ᑕᐃᒃᑯᐊ ᐃᑲᔪᓪᓚᕆᒃᓯᒪᔪᐃᑦ ᐅᕙᑦᑎᓐᓂ
ᑐᓂᖅ ᑕᐄᒻ - ᐅᑭᐅᖅᑕᖅᑐᕐᒦᓐᓂᕐᒥᒃ
ᐃᖅᑲᐅᒪᓇᓛᖑᓂᐊᖅᑐᖅ ᐊᓯᖏᓐᓂᐅᓐᖏᑦᑐᑎᑐᑦ!
ᐳᓛᕆᐊᕆᑦ ᐃᖃᓗᓐᓄᑦ ᑎᕆᓪᓗᐃᑦ
16-ᒥᑦ 20-ᒧᑦ, 2008-ᒥ ᖃᐅᔨᒋᐊᕐᓗᒍ ᑐᓂᖅ
ᑕᐄᒻ. ᐊᖏᔪᒃᑯᑦ ᐃᑲᔪᖅᑎᒋᔭᐅᑎᓪᓗᒋᑦ,
ᐊᒻᒪᓗ ᓱᐴᔫᒥᒃ ᖃᖓᑕᓲᖑᓪᓗᓂ ᓇᒻᒥᓂᕆᔭᐅᔪᒧᑦ
ᐃᓄᓐᓄᑦ ᓄᓇᕗᒥᐅᓂ, ᐅᑉᐱᕈᓱᒃᑐᒍᑦ
ᐱᕙᓪᓕᐊᑎᑦᓯᖃᑕᐅᓂᕐᒥᒃ ᓴᓐᖏᔪᓂᒃ
ᓄᓇᓕᓐᓂᒃ ᐃᓚᐅᖃᑦᑕᕐᓂᒃᑯᑦ ᓄᓇᓕᒻᒥᒃ
ᐃᓕᖅᑯᓯᕆᔭᐅᔪᖏᑦᑎᒍᑦ. ᖁᕕᐊᓱᓐᓂᐊᖅᑯᑎᑦ
ᑐᓂᖅ ᑕᐄᒻᒥᒃ..
| 
