ᑐᓂᐅᓐᖑᐊᕈᖅᑎᑕᐅᓂᕐᒧᑦ ᐃᓕᑕᕆᔭᐅᔾᔪᑦ

ᐱᒻᒪᕆᐅᕗᖅ ᑐᓂᖅ ᑕᐃᒻᒥ ᑐᓂᔭᐅᓂᖓ ᑐᓂᐅᓐᖑᐊᕈᖅᑎᑕᐅᓂᕐᒧᑦ ᐃᓕᑕᕆᔭᐅᔾᔪᑎ. ᐱᒋᐊᕋᑖᖅᓯᒪᑎᓪᓗᒋᑦ ᑕᐃᔅᓱᒪᓂᐅᔪᖅ ᑐᓂᖅ ᑕᐃᒻᒥ ᑕᒪᓐᓇ ᑐᓂᕐᕈᑕᐅᖃᑦᑕᓚᐅᖅᐳᖅ ᐱᒻᒪᕆᐅᔪᒧᑦ ᖃᐃᖅᑯᔭᐅᓯᒪᔪᒧᑦ ᐃᓚᐅᖃᑕᐅᓂᐊᕐᓗᓂ ᐱᓇᓱᐊᕈᓯᐅᑉ ᐃᓗᐊᓂ ᓇᓪᓕᐅᓂᖅᓯᐅᕐᓇᕐᓂᑦ. ᓯᕗᓪᓕᖅᐸᐅᓚᐅᖅᓯᒪᔪᖅ ᓂᖅᑐᕐᓇᖅᑐᖅ ᔮᓐ ᑏᕙᓐᕙᐃᑯ, ᑲᓇᑕᒥ ᐊᖏᔪᖅᑳᕐᔪᐊᖑᓚᐅᖅᑐᖅ. ᐊᓯᖏᑦ ᑐᓂᐅᓐᖑᐊᕈᖅᑎᑕᐅᓂᑯᐃᑦ ᐅᑯᐊᖑᕗᑦ, ᑯᐃᓐ ᐃᓕᓴᐱᐅᑉ ᐃᕐᓂᖓ ᓵᓕ; ᑲᓇᑕᒥ ᑭᒡᒐᖅᑐᐃᔨ ᕉᓚᓐ ᒥᑦᓯᓄ, ᐱᖓᓱᑦ ᑲᒥᓴᓇᐅᓚᐳᖅᑐᑦ ᓄᓇᑦᓯᐊᕐᒧᑦ: ᕙᓐᑦ ᓯᕗᑦᔅ, ᓯᑑᐊᑦ ᕼᐊᑦᓴᓐ ᐊᒻᒪᓗ ᔮᓐ ᐹᑲ; ᓯᕗᓕᖅᑎᒋᓚᐅᖅᑕᖓᑦ ᐊᑯᑭᑦᑐᐃᑦ ᓄᓇᖓᓐᓂᑦ, ᓛᔅ ᑦᓴᒻᓂᑦᔅ ᐊᒻᒪᓗ ᒪᐃᔭᐅᓚᐅᖅᑐᖅ ᓅᒃ, ᐊᑯᑭᑦᑐᕐᒥᐅᓄᑦ ᐲᑕ ᑖᕋᑉ ᕼᐆᒡ.

ᒫᓐᓇᐅᓂᖅᓴᕐᓕ ᑐᓂᓐᖑᐊᖑᓂᕐᒧᑦ ᐃᓕᑕᕆᔭᐅᔾᔪᑦ ᑐᓂᔭᐅᖃᑦᑕᖅᓯᒪᕗᖅ ᓄᓇᓕᒻᒥᐅᓄᑦ ᑎᒃᑯᐊᖅᑕᐅᓯᒪᔪᓄᑦ. ᑖᓐᓇ ᐃᓕᑕᕆᔭᐅᔾᔪᑦ ᓱᓕ ᐱᒻᒪᕆᐅᒋᔭᐅᕗᖅ ᓂᕈᐊᖅᑕᐅᔪᑦ ᑎᒃᑯᐊᖅᑕᐅᓯᒪᒻᒪᑦ ᐃᑲᔪᑦᑎᐊᖃᑦᑕᕐᓂᕆᓯᒪᔭᖏᓐᓄᑦ ᐊᒻᒪᓗ ᓄᓇᓕᒻᒥᐅᓄᑦ ᐃᓚᐅᖃᑕᐅᑦᑎᐊᖃᑦᑕᖅᓯᒪᓂᖏᓄᑦ.

ᐱᑐᐃᓐᓇᐅᖏᑦᑐᒃᑯᑦ ᐱᓕᕆᓂᖃᕐᓂᐊᖅᑐᑦ ᑐᓂᖅ ᑕᐃᒻᒥ ᑐᓂᕆᔭᐅᓂᐊᖅᑐᒥᒃ ᑐᓂᓯᓂᐊᕐᒪᑕ.  ᐱᒋᐊᓕᓵᖅᑎᓪᓗᒍ ᑐᓂᖅ ᑕᐃᒻ, ᑖᓐᓇ ᑐᓂᓐᖑᐊᖑᓂᐊᖅᑐᒥᒃ ᑎᒃᑯᐊᕐᓯᖃᑦᑕᓚᐅᖅᑐᑦ ᖃᐃᖅᑯᔭᐅᓯᒪᔪᒧᑦ ᐅᐱᒋᔭᐅᔪᒧᑦ ᐱᕕᒡᔪᐊᖅᑎᓪᓗᒋᑦ ᐱᓕᕆᖃᑕᐅᓂᐊᖅᑐᒧᑦ.  ᑕᐃᑦᓱᒪᓂ 1965-ᒥ ᑐᓂ ᑕᐃᒻ ᐱᒋᐊᖅᑎᓪᓗᒍ, ᖁᕕᐊᓱᒍᑎᖃᕆᐊᖅᐸᓚᐅᖅᑐᑦ ᐱᒋᐊᕐᕕᖃᖅᑐᑎᒃ ᐃᓄᐃᑦ ᐱᓐᖑᐊᕈᓯᖏᑎᒍᑦ, ᑲᑕᔾᔭᖅᑐᑎᒃ ᐊᒻᒪ ᐃᓐᖏᑲᑕᒃᑐᑎᒃ ᑖᓂᓯᖅᑐᑎᒡᓗ, ᓄᓇᓕᖕᓂᓗ ᓂᕆᕕᒡᔪᐊᖅᑐᑎᒃ ᐊᒻᒪ ᓂᔾᔮᑎᑦᓯᖃᑦᑕᖅᑐᑎᒃ ᑐᓂᖅ ᑕᓯᖓᓂ.  ᐳᕋᐃᐊᓐ ᐱᐅᓴᓐ (ᓴᓪᓗᖅ) , ᑐᓂᖅ ᑕᐃᒻᒥᒃ ᓴᖅᑭᑦᑎᖃᑕᐅᓂᑯ, ᐊᒻᒪ ᑲᑎᒪᔨᖏᑦ ᑕᐃᑦᓱᒪᓂ ᐃᖃᓗᐃᑦ ᓄᓇᓕᖏᑕ (ᑖᒃᑯᐊ ᓯᑎᒃᑰᓕᖅᑐᖅ ᐃᖃᓗᖕᓂ) ᓂᕈᐊᖃᑦᑕᓚᐅᕐᓯᒪᔪᑦ ᑭᓇᑐᐃᓐᓇᕐᒥᒃ ᑐᓂᓐᖑᐊᖑᓂᐊᖅᑐᒥᒃ ᑐᓂᖅ ᑕᐃᒻᒪᑎᓪᓗᒍ.
ᐅᐱᒋᔭᐅᔪᓄᑦ ᑐᓂᓐᖑᐊᖃᖃᑦᑕᖅᓯᒪᕗᑦ ᐅᑯᓄᖓ: ᑯᐃᓐ ᐅᐃᖓᓄᑦ ᐳᓐᔅ ᓵᓕ; ᐊᖓᔪᖅᑳᕐᔪᐊᖓᑦ ᑲᓇᑕᒥ, ᔭᓐ ᑎᕙᓐᐸᐃᑯ, ᑲᓇᑕᒧᑦ ᒐᕙᓄ ᔭᓄᕈᕙᓚᐅᖅᑐᖅ, ᕈᓚᓐ ᒥᑦᓴᓄ; ᐊᑯᑭᑦᑐᑦ ᐊᖓᔪᖅᑳᒻᒪᕆᒋᓚᐅᕐᓯᒪᔭᖓᑦ, ᓚᔅ ᓯᐊᒻᓂᔅ; ᓄᓇᑦᓯᐊᕐᒥ ᑲᒥᓴᓇᐅᓚᐅᕐᓯᒪᔪᖅ, ᐳᕆ ᓱᕕᑦᔅ, ᓯᑐᕋᑦ ᕼᐊᑦᓴᓐ ᐊᒻᒪ ᔮᓐ ᐹᑯ; ᐊᒻᒪ ᒪᐃᔭᒋᓚᐅᕐᓯᒪᔭᖓᑦ ᓄᒃ ᐊᑯᑭᒃᑯᒃ, ᐱᑕ ᑐᕋᑉ ᕼᐅᒃ, ᒥᓯᐅᓪ ᔨᓐ, ᒐᕙᓄ ᔭᓄᕈ, 2006-ᒥ ᑐᓂᕆᔭᐅᓪᓗᓂ.

"ᑕᐃᑦᓱᒪᓂ ᐅᐸᒃᓯᒪᓚᐅᕐᓯᒪᕗᖓ ᑐᓂᖅ ᑕᐃᒻᒪ ᐱᒋᐊᖅᑕᐅᑎᓪᓗᒍ", ᑕᐃᒪᓐᓇ ᐃᖅᑲᐅᒪᔪᖅ ᑲᑎᒪᔨᐅᖃᑕᐅᓚᐅᕐᓯᒪᔪᖅ ᒍᐊᑕᓐ ᕆᓂ.  "ᑎᕙᓐᐸᐃᑯ ᓂᕈᐊᖅᑕᐅᓚᐅᕐᓯᒪᔪᖅ ᑐᓂᐅᖁᔭᐅᓪᓗᓂ ᐊᒻᒪ ᐃᖅᑲᐅᒪᔪᖓ ᓂᕆᖃᑎᒋᓚᐅᕐᓯᒪᒐᑦᑎᒍ ᑎᑭᒻᒪᑦ...ᑭᓯᐊᓂᓕ ᑕᐃᑦᓱᒪᓂ ᑭᖑᓂᑐᖃᖓᒍᑦ ᑐᓂᖅ ᑕᐃᒻ ᐱᒋᐊᓚᐅᕐᓯᒪᑎᓪᓗᒍ."

ᒍᐊᑕᓐ, ᓄᐅᕙᓐᓛᓐᒥᐅᑕᕕᓂᖅ ᐊᒻᒪ ᓚᐸᑐᐊᕐᒥ, ᐃᑲᔪᑲᔪᒐᔪᓚᐅᕐᓯᒪᔪᖅ ᐋᖅᑭᒡᓱᐃᑎᓪᓗᒋᑦ ᑐᓂᖅ ᑕᐃᒻᒥᒃ ᐊᒻᒪ ᓇᓗᓇᐃᕐᓯᓪᓗᓂ ᐃᖃᓗᖕᒥᐅᒃ ᓄᓇᓕᖏᑦ ᐊᒃᓱᒻᒪᕆᐅᒧᖅ ᑐᓐᖓᓇᖃᑦᑕᕐᓂᖏᓐᓂᒃ ᑲᑐᔾᔨᓪᓗᑎᒃ ᐃᓕᓴᕆᔭᐅᓯᒪᔪᑦ ᐱᓕᕆᓂᕆᔭᖏᑦ ᑐᓂᖑᑎᑕᐅᓪᓗᑎᒃ.  ᒍᐊᑕᓐ ᐃᓚᒋᔭᐅᖃᑦᑕᕐᓯᒪᔪᖅ ᑕᐃᒪᓐᖓᑦ ᓯᕗᓪᓕᖅᐹᖑᖃᑕᐅᓪᓗᓂ ᑐᓂᕆᔭᐅᓚᐅᕐᓯᒪᓂᖓᓄᑦ ᐊᕐᕌᒍ 1965ᒥ.

"ᓯᕗᓪᓕᖅᐹᑦᓯᐊᕐᒥ ᐃᓄᖕᒥᒃ ᑭᓐᖓᕐᒥᐅᑕᕐᒥᒃ ᑐᓂᖃᓚᐅᕐᓯᒪᔪᒍᑦ, ᐊᑦᓯᐊᓛᕐᒥ.... ᐊᓪᓚᒃᑎᒋᓚᐅᕐᓯᒪᔭᕋ ᕼᐊᑦᓴᓐ ᐸᐃ ᑲᒻᐸᓂᒃᑯᓐᓂ, ᐃᑲᔪᖅᑎᑦᓯᐊᕙᐅᓚᐅᕐᓯᒪᔪᖅ, ᐊᑐᐃᓐᓇᐅᖏᓐᓇᖅᐸᔪᔪᖅ... ᑐᒃᑐᓂᒃ ᐊᑎᒋᓪᓗᓂ ᑎᑭᑦᑐᓂ ᖃᖅᑲᐅᑉ ᖄᖓᓄᑦ ᕿᒧᒃᓯᒃᑯᑦ.... ᖁᕕᐊᓇᖅᑐᒻᒪᕆᐅᕙᓚᐅᖅᑐᖅ ᐃᓄᐃᓪᓗ ᑖᓂᓯᖅᑐᑦ ᓂᔾᔮᐅᓯᔭᖅᑐᓪᓗ."

ᒍᐊᑕᓐ ᑐᓂᓐᖑᐊᖑᓚᐅᕐᓯᒪᖕᒥᔪᖅ (1970ᒥ) ᐊᒻᒪ ᑐᓂᓐᖑᐊᖑᓪᓗᓂ ᓇᓗᓇᐃᒃᑯᑕᖓ ᐱᓯᒪᔭᖓ ᓱᓕ ᐊᒡᓚᕕᖓᓐᓂ.

"ᐅᐱᑦᓯᐊᓚᐅᖅᑐᖓ, ᑕᐃᑦᓱᒪᓂ ᐋᓪᓚᐅᓪᓗᖓᓗ ᐅᐱᒋᔭᐅᓚᐅᕐᓯᒪᕗᖓ.. ᖁᕕᐊᓇᖅᑐᖅ ᑕᑯᔭᕆᐊᒃᓴᖅ ᓱᓕ ᑕᐃᒪᐃᓕᐅᖅᑐᑦ ᑐᓂᖅ ᑕᐃᒻᒥ."

ᐊᕐᕌᒍᓂ ᐊᒥᓲᖏᑦᑐᓂ ᐊᓂᒍᖅᑐᓂ, ᑐᓂᓐᖑᐊᖑᔪᑦ ᑐᓂᔭᐅᖃᑦᑕᓚᐅᖅᑐᑦ ᓄᓇᓕᖕᓂ ᓂᕈᐊᒐᒃᓴᓐᖑᖅᑎᑦᓯᓪᓗᑎᒃ.  ᑖᓐᓇ ᑐᓐᓂᖅᑯᑎᐅᔪᖅ ᐅᐱᒋᔭᐅᔪᒧᑦ ᑐᓂᔭᐅᕙᓚᐅᖅᑐᖅ ᐃᑲᔪᖅᓯᑎᐅᔪᒧᑦ ᐊᒻᒪ ᓄᓇᓕᖕᓂ ᑲᑐᔾᔨᖃᑕᐅᑦᓯᐊᖅᑐᒧᑦ.  ᓂᕈᐊᒐᒃᓴᓐᖑᖅᑎᑦᓯᔾᔪᑎᑦ ᐊᑐᐃᓐᓇᐅᔪᑦ ᐅᕙᓂ www.tooniktyme.com ᑐᓂᓐᖑᐊᒧᑦ ᒪᒃᐱᒐᖁᑎᖓᓐᓂ ᖃᕆᑕᐅᔭᒃᑯᑦ ᐅᕝᕙᓘᓐᓃᖅ ᐱᑐᑦᓴᐅᑎᒋᓗᑎᑦ ᑐᓂᖅᑕᐃᒻ ᑲᑐᔾᔨᖃᑎᒌᖏᑕ ᖃᕆᑕᐅᔭᒃᑯᑦ ᑐᕌᕈᑎᖓᓐᓄᑦ ᐅᕗᖓ tooniktyme@qiniq.com.